ЭПОКСИДТІ КОМПАУНД

2023 жылдан бері «Компания Нефтехим LTD» ЖШС стеклоровингті «ылғалды» орау тәсілімен алынатын, полимеризациялы қоспамен қанықтырылған, кейін пеште термоөңдеуден өткен шыны-пластикалық құбырлар өндірісі кезінде байланыстырушы ретінде қолдануға арналған «Эпоксидті компаунд» химиялық өнімін шығарады. Шыны-пластикалық бұйымдар агрессивті ортамен, ыстық сумен, мұнаймен, түрлі концентрациялы сілтілермен, тұз бен қышқылдардың ыстық ерітінділерімен байланыста қолданылады, сондай-ақ олар ыстық және суық шаруашылық-ауыз сумен қамту, кәріз жүйесі, мелиорация, коммуналдық-тұрмыстық сумен қамту жүйелерінде пайдаланылады. Компаундты, сондай-ақ электротехникалық, радиоэлектроникалық өнеркәсіп, авиа, кеме және машина құрастыру, құрылыста арматуралы пластмассаларға арналған байланыстырушы желім, герметик түрінде қолданады.

Эпоксидті компаунд сипаттамасы
«Компания Нефтехим LTD» ЖШС Эпоксидті компаундты СТ ЖШС 40486314-017-2023 сәйкес өндіреді, ол модификацияланған эпоксидті шайыр (А құрамдас бөлігі) және аминді қатайтқыш (Б құрамдас бөлігі) түрінде болады:
- марка ЕСН-1;
- марка ЕСН-2.
«А» құрамдас бөлігін көлемі 220 (екі жүз жиырма) кг болатын болат бөшкелерге құяды.
«Б» құрамдас бөлігін масса нетто – 20 кг болат шелектерге немесе масса нетто – 220 (екі жүз жиырма) кг болат бөшкелерге құяды.

Бөшкелер мен шелектер берік жабылады және поддондарға орнатылады.