27 қыркүйекте Естай атындағы қалалық мәдениет үйінде «Компания Нефтехим LTD» ЖШС зауытының 15 жылдығына арналған шара өтіп, үздік қызметкерлер марапатталды.
Мерейтой кеші зауыт туралы видео көрсетілімінен басталды, онда жұмысшылар өзінің қызметі, ұжымы және компанияның құндылықтары туралы әңгімеледі. Сондай-ақ, барлық қатысушылар өмірден өткен әріптестерін бір минут үнсіздікпен еске алды.
Салтанатты шара жұмысшыларға мемлекеттік органдардың Алғыс хатын табыстаумен жалғасын тапты. Марапаттау рәсіміне Павлодар облысы әкімінің орынбасары Дәурен Жамбайбек және ҚР Энергетика министрлігінің өкілі Елтай Әлиев қатысты. Кеш барысында Алғыс хат табыстауды зауыттың басшылары мен жауапты қызметкерлері жалғастырды. Олар 230-дан астам әріптесті марапаттады.
Мерекелік құттықтауларға Сан Бао, Starlinger компанияларындағы серіктестер, басқарушы компаниялар мен акционерлердің өкілдері, дуалды оқу бойынша оқу орындарының басшылары, компания ардагерлері қосылды. Олардың әрбірі компанияның гүлдене беруін, ал жұмысшыларға денсаулық пен табысты еңбек тіледі. Ұжымға Мәдениет үйінің әртістері әзірлеген концерт тарту етілсе, мерекенің ең ерекше де бірегей тұсы – Таланттар, Үздік құттықтаулар және «Нефтехим, өз махаббатыңды құрастыр» байқауының жеңімпаздарын марапаттау болды.
