Көктемнен бері 300 терек шыбығы «Компания Нефтехим LTD» ЖШС зауытының санитарлық-қорғау аймағының аумағында өсіп келеді. Жас ағаштар Дүниежүзілік қоршаған ортаны қорғау күніне орай қоршаған ортаны қорғау бөлімінің, әкімшілік-шаруашылық бөлімінің жұмысшылары мен «Вэк-Строй» мердігер компаниясы қызметкерлерінің күшімен отырғызылған болатын.
Ағаштар жасыл қоршау құрып, Павлодарское ауылы тұрғындарының денсаулығы мен тұрмысының жайлы болуына тигізетін теріс әсерлерді азайтады. «Компания Нефтехим LTD» ЖШС санитарлық-қорғау аймағын 2021 жылдан бері жасылдандырып, аумақтағы ағаштар санын үнемі арттырып келеді.